ঐতিহাসিক মানষির ১৫৩ বছরিয়া উপজন দিন পালন করিলেক কামতাপুরি ভাষা অ্যাকাডেমি

নিউজ ডেস্ক, কোচবিহার: শনিবার কামতাপুরি ভাষা অ্যাকাডেমির পক্ষ থাকি শীতলকুচি ব্লকের বড়োমরিচা বাজারত খাঁন আমানত উল্লা চৌধুরীর ১৫৩ বছরিয়া উপজন দিন পালন করিলেক। রাজবংশী কামতাপুরি সমাজের বৈরাতী নাচ দিয়া সাগাই লাক বরন করিছে আয়োজক কমিটি। এটে চৌধুরী বাবুর নানান সামাজিক মূলক কাজ কর্ম লা ডাঙরিয়া ঘর সাধারণ মানষির সামনত তুলি ধরিচে। এটে কোনা হাজির আছিল কামতাপুরি ভাষা অ্যাকাডেমির গড়েয়া বজলে রহমান, ঢোকা গড়েয়া তথা কেপিপির সুপ্রিমো অতুল রায়, কোচবিহার জেলা কেপিপির মাড়েয়া সন্তোষ বর্মন, কেএসও কেন্দ্রীয় কমিটির মাড়েয়া অপু বর্মন। চৌধুরী বাবুর ফটোকত মালা দিয়া শ্রদ্ধা জানেয়া নস্যশেখ জাতির মনীষীর জীবনী নিয়া আলোচনা করা হৈছে বুলি খবর।