ভিন রাইজ্যত কাজত যায়া পাহাড় ধসি মরি গেইল ময়নাগুড়ির গাবুর চেঙড়া

ময়নাগুড়ি,১৪ মে : ভিন রাইজ্যত কাজত যায়া পাহাড় ধসিয়া মারা গেইল ময়নাগুড়ির রানীরহাট মোড়ের একটা গাবুর চেঙড়া । বিস্তিবার সাকালে উয়ার সৎগতি হইসে, উয়ার বাদে এলাকাত শোকের ছেঙা নামিসে।
পরিয়াল সূত্র থাকি জানা যায় যে, ঐ চেঙড়াটার নাম নারায়ণ মন্ডল (২৬)। ৩ বছর আগোত মিজোরামোত কাজোত যায়। ওটেটা প্রাইভেট কোম্পানির জেসিবি চালাইসে। সোমবার দুপুরা কাজ করার সময় আচমকা পাহাড় ধসি পড়ি মারা যায়। আজি উয়ার মরা দেহা বাড়ি আনা হয়।