মাদারিহাটত হাত্তির আক্রমণত জিউ গেইল ষাইট বছরিয়া বুড়ির
নিজ খবরিয়া, মাদারিহাট: হাত্তির আক্রমণত জিউ গেইল কিরণবালা রায় নামে ষাইট বছরিয়া বুড়ি মানষির। ঘটনাটা ঘটিসে মাদারিহাট থানার অন্তর্গত মইধ্য ছেকামারি গাঁওত। সমবার রাইত এগারোটার সময় দান্তাল হাত্তির আক্রমণত মারা যায় ঐ বুড়ি মানষিটা। জানা গেইসে, রাইতের খন ঐ টসময় বর্ষণ পড়ির ধইরছে। ঐ সময় খয়েরবাড়ি বন থাকি একটা দান্তাল হাত্তি ঐ গাঁওয়ের ভিতর সোন্দায়। হাত্তি ঢুকাতে ঐ বুড়ি উয়ার নাতি সোদে পালেবার চেষ্টা করে। কিন্তুক দান্তাল হাত্তিটা ঐ বুড়িটাক মারি ফেলায়। ঘটনাট ক্ষোভ দেখাইসে থানীয় মানষি। ঘটনাস্থলত পহুছায় মাদারিহাট থানার পুলিশ আরহ্ মাদারিহাট রেঞ্জের বনকর্মীলা।
